"Tara na"

jigsgarciaiii
Apr 13, 2017
1 min read

"Tara na"

Na sulat para sa atin at sa kalikasan. Pano nga ba kung wala na? Nakakalungkot 'di ba? Hindi na nila mararanasan o masisilayan ang ating naranasan.

Tara na...

habang ang tunog na 'yon ay naririnig pa. Ating banaagin ang kanilang kasiglahan habang sila'y matatayog pa. At sa daloy ng hangin sa kanilang nag-lalakihang sanga, sa ating pandinig, nagmimistulan silang nag-uusap sa bawat isa.

Tara na!

habang 'sing ningning ng kristal ang kanilang kinang. Ating damhin ang kanilang kasariwaan habang ito'y dumadaloy pa. At sa lagislis na nalilikha sa pag-itan ng bawat batohan, sa ating pandinig, banayad na nakakapalaot sa parang.

Tara na...! tara na...

kung saan biyaya lahat ito noon, ng tayo'y wala pa. Ating tantuhin ang kanilang kahalagahan habang may pagkakataon pa. At sa pag lipas ng panahon sikapin natin na ito'y makapanatili, upang sa ating pandinig, hiyaw ng bagong silang na sanggol na sabik, mapagmamasdan at mararanasan pa nya 'to 'pag nagkaisip.